نعت شریف
عبدالحمید نظامی
جو منگناں ای رب توں منگ نعلین وسیلے نال
لگ جان گے تینوں رنگ نعلین وسیلے نال
ایہہ سوچنا نہیں پیندا کم بنے گا کس ویلے
رکھ آس امید نوں سنگ نعلین وسیلے نال
اوہ خاک شفاء بن گئی نعلین دی نسبت نال
ہو گئیاں عقلاں دنگ نعلین وسیلے نال
نعلین دا نقشہ رکھ فر ویکھ محبت نال
لہہ جاوے گی بھکھ ننگ نعلین وسیلے نال
نعلین دی شاناں دے سب مسئلے حل ہوون
تک عشق عقل دی جنگ نعلین وسیلے نال
جے عشق حقیقی وچ مَن رنگنا چاہنا ایں
توں دل توں لاہ لے زنگ نعلین وسیلے نال
آ منگن والیا آ رب کہوے نظامیؔ آپ
ہر پوری کراں اُمنگ نعلین وسیلے نال
