نعت شریف
عبدالحمید نظامی
جے کرنا عشق اجاگر نعلین مبارک پڑھ
وچ کوزے فیض دا ساگر نعلین مبارک پڑھ
اک ٹھاٹھاں مردا دریا دِسے گا دل توں ویکھ
توں بھر کے وچوں گاگر نعلین مبارک پڑھ
سرکار نے دتی چادر ویکھ بوصیریؒ تائیں
توں سمجھ کے حاضر ناظر نعلین مبارک پڑھ
کر دل دا صحن کشادہ نہیں سودا گھاٹے دا
توں عشق دا بن کے تاجر نعلین مبارک پڑھ
کوئی گل نہ گل نوں لاویں نہ ہونویں ڈانواں ڈول
نہ رکھ عقیدہ لاغر نعلین مبارک پڑھ
کیہ ہویا یار نظامیؔ چاک گریباں تیرا
اوہ آپ تے ہین رفوگر نعلین مبارک پڑھ
