سانحہ بلوچستان تے…
نائلہ بٹ
کہڑا ملے آ کے پھوڑیاں کہڑا پاوے ایتھے وین
سانوں چالھیے قل اوڈیکدے کجھ خالی دریاں کہن
کوئی دردی ناہیں درد دا کوئی لبھے نہ دلدار
بوہے آن کھلوتی موت وے کیویں دل نوں آوے چین
ہڈیاں دا بالن بالیا ساڈی فیر نہ مکی ٹھار
دل اگ دی بھٹھی چاڑھیا میتھوں پیڑھ نہ ہوندی سہن
بوہے ڈھو لئییار نیں سانوں کڈھ کے ویہڑیوں باہر
کنڈھ موڑی ساتھوں پیار نیں ساڈے اتھرو کیرن نین
ساڈی اکھیوں پانی مکیا سکی بلھاں اتے پیاس
ایتھے جھولیاں اڈیاں رہ گئیاں تے بھکھاں ترلے لین
ہن چھیتی بوہڑیں پیر وے ساڈے ہتھ جڑیاں ول ویکھ
ہے کجھ انہونی ہونی میرے دل وچ دھمکاں پین
پا رحم کرم دیاں بارشاں ساڈا دھو دے دل دا میل
نہ مکھ پرتاویں سوہنیا ساڈے ویکھ سوالی نین
