نعت شریف

عبدالحمید نظامی

جنہاں دلاں وچ ہو گئیاں قدراں پاک نعلین دیاں
رکھدے نیں اوہ ہر ویلے سدھراں پاک نعلین دیاں
بڑے مقدراں والیاں نے تکیا سوہنے دے پیریں
نوروں جگمگ کردیاںہیسن ودھراں پاک نعلین دیاں
سرکارؐ دے جوڑیاں دا صدقہ رب پیا ونڈدا جے لوکو
اپڑ گئیاں ہر پاسے خبراں پاک نعلین دیاں
الفت رکھن والیاں نوں جنت ول لے جاون لئی
لبھدیاں ہوسن محشر دے وچ نظراں پاک نعلین دیاں
عشق نبیؐ دا سینے دے وچ لے کے تے آ جایا کر
میرے کولوں سنیا کر توں غزلاں پاک نعلین دیاں
کئی تے بیلی ایہہ آکھن گے کاہنوں ایناں لکھنا سی
بھلیو! میرے کولوں پچھو رمزاں پاک نعلین دیاں
نعلیناں دے سنگ لگ گئے اک وار نظامیؔ جہڑے وی
رڑھ دے ہویا نوں پئے تارن موجاں پاک نعلین دیاں