غزل
طاہرہ جبیں
وے میں جہڑے ویلے گھندی ہاں تیڈا ناں مٹھا
ٹھر ویندا اے اوں ویلے مینڈا ہاں مٹھا
بئی شے کائی دی نا لوڑ میکوں جے مل ونجیں
اتے گھٹ تے پھڑ گھنیں مینڈی گوری بانہہ مٹھا
متاں ڈھے پواں متاں مر ونجاں میکوں ناستا
کیوں بلیندا ہیں مینڈے نال کوڑ وے ناں مٹھا
کڈاں ول تے آناں توں ڈینہ راتیں ڈی اڈیک ڈے
متاں بھل ونجے ناں مینڈے بنیرے کوں کاں مٹھا
توں ڈسا تاں ڈے‘ کیہ ہے جرم مینڈا‘ ہے کیا خطا
وے توں کھل ونجیں تک ڈوجھیاں کوں ساکوں ناں مٹھا
