غزل
مجاہداقبال مجاہد
میرا لٹیا دین ایمان دس بھلاں کیویں
تیرا بے دردا احسان دس بھلاں کیویں
ہن بنیا ایں انجان دس بھلاں کیویں
کہندا سیں کدی جان دس بھلاں کیویں
خورے کیہ مجبوری توں بھلیوں وعدے
میں چکی قسم قرآن دس بھلاں کیویں
میرے پاروں دنیا وچ پچھان سی جہدی
نہیں کردا اج پچھان دس بھلاں کیویں
کدی پہلا پیار نہیں بھلدا ایہہ کہن سیانے
میں تینوں میری جان دس بھلاں کیویں
دولت دنیا اک پاسے جو ہویا دل دا
بے دردا ایہہ نقصان دس بھلاں کیویں
بھل بھلا کے مینوں توں غیر دا بنیوں
میں صدقے قربان دس بھلاں کیویں
سے واری سمجھایا توں بھل جا اوہنوں
دل مندا نہیں نادان دس بھلاں کیویں
ہر کوئی پیا آکھے توں بھل جا اوہنوں
نہیں ایڈا وی آسان دس بھلاں کیویں
اج وی کدھرے ملے مجاہد دیاں سلامی
پھبدا ہان نوں ہان دس بھلاں کیویں
