لہندے دی ہوا
ریت کور
لہندے والے پاسوں ہوا ٹھنڈی جہی آندی اے
مَلو مَلی جِویں سِینے کھوہ جہی پاندی اے
بِی جِی آندی ونڈاں موقعے بھاجڑ جہی پے گئی سی
تیرے باپو دی ہائے آخری نشانی اوتھے رہ گئی سی
لگے جِویں آخری نشانی ہی بلاندی اے
لہندے والے پاسے ہوا ٹھنڈی جہی آندی اے
لہور وِچ چنگا اوہدا کم دھندا سی
باپو پِنڈ وچ سبھ توں رئیس بندہ سی
4گھما دے سکے وِچ ہی سار تا
ونڈ دے بہانے اوہنوں گڈی چاڑتا
ظلماں دی حد ایہہ آندرا مچاندی اے
لہندے والے پاسوں ہوا ٹھنڈی جہی آندی اے
باگھے تک جا کے جدوں مڑدے ہاں گھراں نوں
مڑیا نہیں جاندا پیر پِچھے جاندے پراں نوں
دِل آکھے ٹپ جا توں حد شیر بلیا
اڈیکدے تاں ہونے جہڑے تالے لگے دراں نوں
کھوہ والی ٹِنڈ ہاکاں مار کے بلائوندی اے
لہندے والے پاسوں ہوا ٹھنڈی جہی آندی اے
کجھ ایداں ہو جائے
لِکھتاں چ اردو پنجابی دا سمیل ہو جاوے
لہندے والا پاسہ
کدے چڑھدے دے وچ آکے میل ہو جاوے
ننکانے والی یاد سانوں راتاں نوں رواندی اے
لہندے والے پاسوں ہوا ٹھنڈی جہی آندی اے
