نعت شریف
عبدالحمید نظامی
چادر پاک مزمل والی موڈھے اُتے سج دی
سوہنیا پاک نعلین تری اے چُم چُم پیر پئی رج دی
چرچا تیرا ہور اچیرا خود خدا فرماوے
وَرَفَعنَا لک ذکرک چانن ہندا جاوے
چمکاں مارن چار چفیرے روشن پاک نعلیناں
جگ ہویا حیران جاں گئیاں جھٹ افلاک نعلیناں
چنتا تیرے در دی ایسی لگ گئی آقا مینوں
کد مُکے گا رونا میرا حال سناواں کنہوں
چماں آ کے در تیرے دی پاک سنہری جالی
صدقہ سوہنیا نعلیناں دا دے دیو آن وکھالی
حمید نظامیؔ رہوے بس آقا بردا تیرے در دا
مُک جاوے ہن دوری میری دید بناں نہیں سردا
