بڈھا
بابا نجمی
پاٹے ڈھول وجاوے بڈھا
نویں تماشے لاوے بڈھا
اسیں آں گیت غزل دے شونقی
پکے راگ سناوے بڈھا
اپنی گوٹ کرن لئی پکی
کیہ کیہ چال چلاوے بڈھا
کہدی شہہ تے پرھیا توڑی
سانوں وی سمجھا دے بڈھا
بنن نہیں دیندا ساڈی جھگی
اپنے محل بناوے بڈھا
بول پئے نیں ایہدے اکھر
کس دی پیڑ مناوے بڈھا
دیوے بش بہادر جہڑا
سانوں حکم سناوے بڈھا
ایہدی مت گئی اے ماری
مردے پیا جگاوے بڈھا
بھر کے چھج پتاشے ونڈاں
ساڈے سر توں جاوے بڈھا
