غزل

بیراجی

دین محمدؐ پنجتن دی چپے چپے پہچان
دیس چ گونجے اک نعرہ اک کلمہ اک قرآن
ساڈا ایسے نال تشخص ایس نال ساڈی ساکھ
ایسے نال پچھان اساڈی‘ ساڈی شان مہان
دیس محبت پاروں دل دے جذبے تگڑے ہون
جے اوکھے جندڑی وچ بندہ مار لوے میدان
نت پردیس دی کھاواں چوری‘ کدی نہ کراں خیال
ایس توں ہوواں دور‘ نہ دل وچ آوے وہم گمان
چن تارے دا گز بھر لٹھا بھردا نویں اڈار
عزت بن بن لہراوے ایہہ جھنڈا ساڈی شان
اوہناں دے جذبے نوں انبر دھرتی کرے سلام
جہڑیاں قوماں ماں بولی لئی ہو جاون قربان
آپ بنائے‘ خطے دا آپے اوہ مالک رب
پاکستان دی دھرتی دا نت رکھوالا رحمن
جگ دے وچ گھر فیر مثالی بیراجی بن جان
نویں نسل نوں جے گھر دے وچ سانبھ لئے انسان
دیس دا ہر واسی جانے گا ساڈا کیہ اے جذبہ
جس دن بیراجی دا چھپ گیا فیر نواں دیوان