منقبت

علی احمد گجراتی

زہرا ؑ دا دِلدار حسینؑ اے
سرورؐ دی مہکار حسینؑ اے
مِشن علیؑ دا زندہ رکھیا
جَھل کے ظلم دا وار حسینؑ ا ے
وِچ قرآن گواہیاں آئیاں
کیسا با کردار حسینؑ اے
پَل وِچ قسمت حُرؓ دی بدلی
بخشش دا دربار حسینؑ اے
خنجر تھلّے خوب نبھایا
اپنا قول اِ قرار حسینؑ اے
ظُلماں دی ہے شہ رَگ وَڈّی
جر ات دی تلوار حسینؑ اے
خالق خوب سراہیا اُس نوں
کیتا جو اِنکار حسینؑ اے
حق دا مان سلامت رکھیا
نبیاں دا رتبار حسینؑ اے
کربل دا ہے سجدہ شاہد
بندگی دا معیار حسینؑ اے
ہر اِک غیرت مند نے منیا
چانن دا مینار حسینؑ اے
دین خدا دی ڈُبدی بیڑی
لائی احمدؔ پار حسینؑ اے