نعت شریف
عبدالحمید نظامی
سوہنے دے در تے لگیاں نت رہندیاں بہاراں
دن رات وسدیاں نیں رحمت دیاں پھواراں
رہندا اے لگیا ہر دم امت نبی دا میلہ
دن رات ملک نوری آوندے نے وچ قطاراں
صدیقؓ عمرؓ پیارے عثمانؓ تے علیؓ نیں
کیتا کمال جگ تے سرکار چوہاں یاراں
ارفع تے اعلیٰ تیرا آقا مقام اُچا
آدم توں لیکے بھانویں آئے بنی ہزاراں
تیرے نام دا سہارا کافی اے عاصیاں نوں
تیرے باجھ سوہنیا دس لیندا اے کون ساراں
لیکے نظامیؔ آیا اک نکڑی جئی ایہہ عرضی
باقی دی ایہہ حیاتی طیبہ دے وچ گذاراں
