نعت شریف
الیاس آتش
مدینے شہر دے اندر میں آواں یارسولؐاللہ
کراں ہر وقت میں ایہو دعاواں یارسولؐاللہ
ترے مڑھکے دی خوشبو نال جو گجھیاں ہوئیاں
مرے ولّے وی اوہ آون ہواواں یارسولؐاللہ
تری صفت و ثناء لکھدا رہواں میں ہر گھڑی بہہ کے
مرے تے وی کرو ہن تے عطاواں یارسولؐاللہ
مرے تے وی کرم ہووے مری وی بھر دیو جھولی
ترے روضے دیاں ویکھاں فضاواں یارسولؐاللہ
تساں ای ڈبدیاں ہویاں نوں لایا اے کنارے تے
تساں ای ٹالیاں سبھے بلاواں یارسولؐاللہ
میں اک جھلاّ جیہا آتش تڑپدا ہاں مدینے لئی
سُنو مریاں وی عرضاں تے صداواں یارسولؐاللہ
