حضرت خدیجہ کبریٰ ؑ
علی احمد گجراتی
مومن تے احسان خدیجہ کبریٰ ؑ دے
دین اُتے نیں دان خدیجہ کبریٰ ؑ دے
پاک بتول دی سِیرت وِچوں دسدے نیں
عالی جو فرمان خدیجہ کبریٰ ؑ دے
مِلیا جِس لے وارث کل جہاناں دا
ہو گئے کُل جہان خدیجہ کبریٰ ؑ دے
مومن دا ایمان مکمل کر چھڈیا
اوّل اُس ایمان خدیجہ کبریٰ ؑ دے
اِس نُوں ملیا سِر دا تاج حبیب ﷺاللہ
ویکھو کیڈے شان خدیجہ کبریٰ ؑدے
جنت دی سرداری رب نے دِتی اے
بچڑے ہِن ذِیشان خدیجہ کبریٰ ؑ دے
گردن اپنی کربل وِچ کٹا کے تے
سیّد ؑ رکھے مان خدیجہ کبریٰ ؑ دے
حشر دیہاڑے امت شافع محشر دی
ویکھے گی فیضان خدیجہ کبریٰ ؑ دے
