پیار کہانی
انور ندیم علوی
ایہہ پیار کہانی اے
چن دور چکوری توں
اوہ فیر دیوانی اے
صدیاں توں پرانی اے
ناں چن تے چکوری دا
انج ساڈی کہانی اے
ازلاں توں مینوں لگدا
اک جان تے دو قالب
میں تیرا تے توں میرا
بس اینی کہانی اے
ہن لائی ترے ناویں
جند جانی جوانی اے
بند کر کے میں پلکاں نوں
سب یاد کراں گلاں
کنج دساں میں لوکاں نوں
ایہ دل دی کہانی اے
اک فیصلہ دل کیتا
ہن دنیا توں کیہ ڈرنا
ہن کٹھیاں اساں رہنا
دنیا دی تے عادت اے
دنیا نے سدا کہنا
ایہہ جھوٹھی کہانی اے
جو آکھ لوے دنیا
ایہہ ساڈی کہانی اے
ہن پریت نبھانی اے
