شہادت حضرت سیدنا علی ؑ

علی احمد گجراتی

رت و رت مصلیٰ ہویا نال عمامہ زخمی ایں
مسجد تے محراب وی زخمی تسبیح سجدہ زخمی ایں
میرا ویر علی وجہہ اللہ پاک نبیؐ فرمایا اے
اس فرمان مطابق تے فر رب دا چہرہ زخمی ایں
زخمی نیں ’’یسین، مزمل‘‘ سینہ چِریا ’’طہ‘‘ دا
وین کرن ’’تطہیر‘‘ تے ’’کوثر‘‘ ’’ب‘‘ دا نقطہ زخمی ایں
کوفے دیوچ بن رہیا اے نقشہ کل دے کربل دا
زخمی نیں عباس دے بازو سین دا برقع زخمی ایں
کربل والے منظر وچ نیں سیدہ زینب تے کلثوم
اوتھے زخمی ویرے ہوسن ایتھے بابا زخمی ایں
بس یتیم نہیں ہوئے احمد اِکو مولا حسنؑ حسینؑ
جگ دے سبھ یتیماں والا اج بھرواسہ زخمی ایں