پروفیسر جنید اکرم
محمد سلیم مرزا
بڑے مشہور لکھاری پنجاب دے نے
اہلِ ادب وچ کھِڑیا اِنج بھائی ساہڈا
جیویں گلشن وچ پھل گلاب دے نے
درداں والڑے کدی نہ بھل سکسن
جو اوصاف اِس در ِ نایاب دے نے
کیتی خدمتِ خلق تمام زندگی
کارنامے ایہہ کارِ ثواب دے نے
مٹھی بولی تھیں مٹھڑے بول بولے
بڑے عمدہ اخلاق جناب دے نے
یادِ یار وچ بیٹھے کناریاں تے
پکھلو رونودے راوی چناب دے نے
خونِ جگر پلا کے عمر ساری
کیتے پیش فن پارے آداب دے نے
اپنڑی ذات تھیں جاری سلیم کرگئے
واہ واہ سلسلے قلم کتاب دے نے
