نعت شریف
علی احمد گجراتی
بیان کوئی کرے کیہ اُس شہِ ثقلینؐ دی عظمت
بیان ہوندی نیں جگ توں جِیدے حسنینؑ دی عظمت
تیرے اوصاف نوں کِسراں بیاں اندر لیاواں میں
سمجھ میری توں ہے وَدھ کے تیرے نعلین دی عظمت
تُساں رستے وکھائے نیں تُساں رشتے سِکھائے نیں
تُساڈی ذات توں صدقے کراں دارین دی عظمت
میرے آقاؐ ’’وصی‘‘ ایسا خدا تینوں عطا کیتا
جہاناں توں وی بالا اے علیؑ دے عین دی عظمت
حقیقت وچ ہے ایہ عظمت جہاناں دے خداونددی
جنابِ آمنہؑ تیرے جو نورالعین دی عظمت
