غزل
سسیے آیا سانول ویڑھے
کہندا ٹر چلیے تھل ویڑھے
گورے مکھ تے تل آوارا
آ وڑیا جے راول ویڑھے
سجناں گھر وچ قدم ٹکایا
سج گئے آپ سجاول ویڑھے
اوہدی اکھ دی شوخی چمکی
بجلی لشکی کاجل ویڑھے
کڑیاں چڑیاں پیکے آئیاں
رونق لگ گئی بابل ویڑھے
اک کملے دے پیار اچ ہوئے
جھلیاں گلیاں پاگل ویڑھے
جنت بنے خیال ہر اک لئی
جے سب ہون بلاول ویڑھے
Users Today : 594
Users Yesterday : 405
Total Users : 721262
Views Today : 8050
Total views : 11521555
Who's Online : 12
