غزل
ڈاکٹر یونس احقر
نین کدی نہ نیرے جاندے
سفنے جے تعبیرے جاندے
جسے قیدی ہو جاون پر
جذبے نہیں اسیرے جاندے
پٹ چیرن دیاں ریتاں باجھوں
کدی چنھاں نہیں چیرے جاندے
ڈگ پیندے نیں اکھیوں موتی
ویکھ کے ہتھوں ہیرے جاندے
کاش کدی سوچاں وچ سوچے
سگویں نقش لکیرے جاندے
اپنی سوچے جیون کردے
جیکر اسی نہ پیرے جاندے
منزل انت اوہناں نوں ملدی
جہڑے دھیرے دھیرے جاندے
جسے قوریں پے جاون پر
قصے نہیں کفنیرے جاندے
عشق تے عدل کچہری احقر
مارے بے تقصیرے جاندے
