غزل
امرجیت سنگھ سندھو
مورکھ راہیاں نوں رہبر پتیائے گا
جو پتیایا جائے گا، پچھتائے گا
جو وی راج ستا دی کرسی پائے گا
ہولی ہولی ہرناکش ہو جائے گا
مارو تھل جے بہتا ہیز جتائے گا
مٹی دے کنکے نوں ریت بنائے گا
جیہڑے زخم چوں کیڑا جیون پائے گا
ہولی ہولی اوسے نوں کھا جائے گا
جس نوں تیرے روگ ‘چوں روٹی ملدی ہے
اوہ کیوں تیرے روگ نوں جڑھوں مٹائے گا
جس نوں پتے کہ دنیا تڑفن تکدی ہے
کیوں نہ اوہ تیری تڑفن فلمائے گا
