میں انھا چنگا
علیم شکیل
میں ککھوں ای انھا جمیا
انساناں دی سندرتا
کنج دی ہووے گی
ایہو سوچدا رہنا ساں
رنگ دنیا دے ویکھن دا وی
چاء ڈاڈھاسی
میریاں سدھراں
پورن دے لئی
مردے سمے کسے سخی نے
دان کیتیاں اپنیاں اکھاں
جد وی سجاکھا ہوون مگروں
بھیڑی دنیا داری ویکھی
لوکاں دی مکاری ویکھی
تاں فر سوچیا
بندہ کنا کوجھا اے
اچی کر کے اکھ ویکھنا
تے اکھاں وچ اکھاں پائونا
کڈا وڈا جرم اے
اوسے ویلے’ سخی دی قبرے
جا پجیا میں
ایہہ سوچ کے
اپنے ہتھیں کڈھیاں اکھاں
مٹی وچ دفنائیاں اکھاں
کہ
میں انھا ای چنگا واں
