غزل
بیگم شاد چغتائی
دنیا دے کم دا نہیں رہندا جہنوں پیار اک واری ہو جاوے
جدوں دل دا سودا کر لیئے ہر چیز ادھاری ہو جاوے
اوہ تے جھڑکاں جگ دیاں کھاندے نیں گھڑیاں نوں ٹھار بناندے نیں
ایتھے عاشق ڈب ڈب جاندے نیں جدوں دنیا ویری ہو جاوے
جہڑا بحر عشق دا تارو اے دنیا تے ہوندا بھارو اے
سجناں دا مُکھ ای دارو اے جدوں عشق بیماری ہو جاوے
ناصح دی گل وچ نہیں آندا خوشیاں نوں گل نال نہیں لاندا
شاد راہواں دے وچ رُل جاندا جہنوں عشق خماری ہو جاوے
