گیت

masood ch

مسعود چوہدری

ٹھیکے والیاں نے رپٹ لکھائی توں نیناں چوں شراب ویچدی
سارے پنڈ وچ مچ گئی دہائی توں نیناں چوں شراب ویچدی
تیرے نیناں وچوں پی کے دو گھٹ نی
منڈے گھبرو وی ہو جاندے گٹ نی
پہلے توڑدی توں کتھوں منگوائی توں نیناں چوں شراب ویچدی
سارے پنڈ وچ مچ گئی دہائی توں نیناں چوں شراب ویچدی
اکھاں کھیویاں چوں جد ورتانی ایں
لکھاں دلاں تے کمند پائی جانی ایں
منڈے پنڈ دے توں کیتے نیں شدائی توں نیناں چوں شراب ویچدی
سارے پنڈ وچ مچ گئی دہائی توں نیناں چوں شراب ویچدی
تیرا اٹھدا شباب پیا ڈنگدا
جنھوں ڈنگدا اوہ پانی وی نہ منگدا
نی توں کدی نہ دلاں چ ٹھنڈ پائی توں نیناں چوں شراب ویچدی
ٹھیکے والیاں نے رپٹ لکھائی توں نیناں چوں شراب ویچدی
بنا پرمٹ ایہہ جرم اکھواندی اے
کیس بن جاندے جیل ہو جاندی اے
توں نہ چندریئے ذرا گھبرائی توں نیناں چوں شراب ویچدی
ٹھیکے والیاں نے رپٹ لکھائی توں نیناں چوں شراب ویچدی
جام بھر بھر کئیاں نوں پیانی ایں
دل والیاں نوں کاہنوں ترسانی ایں
اجے تک نہ مسعود نوں پیائی توں نیناں چوں شراب ویچدی
سارے پنڈ وچ مچ گئی دہائی توں نیناں چوں شراب ویچدی

اپنا تبصرہ گھلو