غزل
ارشدمنظور
خط وی چیکاں ماردے تحریر چیکاں ماردی
کندھ اتے ہجر دی تصویر چیکاں ماردی
ویکھ کے میرے زخم جسے دے اتے دوستو
میرے پیراں دی اجے زنجیر چیکاں ماردی
نال چاواں دے بڑے ویکھے جو اکھاں خاب سن
رہ گئی سدھراں دے وچ تعبیر چیکاں ماردی
وقت دا قیدو کھڑا اے اج وی پھڑ کے ڈانگ ہتھ
اج وی رانجھا رانجھا کردی ہیر چیکاں ماردی
انج چیکاں ماریاں نیں دل نے تیری یاد وچ
سُول اتے جویں ٹنگی لیر چیکاں ماردی
یار ارشد سانوں تے انہونیاں نے کھا لیا
ہِمتاں وی ہر گئیاں تقدیر چیکاں ماردی
