لہور دا ڈیوا

گلفام نقوی

جدوں دینہہ داہویں دا ڈھلیا
پئی سخت اندھیری آندی
جہڑی سر توں چادر لاہندی
جیویں جھوک پئی میری اجڑے
دیکھی لاش بھرا دی ڈھاندی
میرا نال کلیجہ ہلیا
جدوں دینہہ داہویں دا ڈھلیا
کہندی لاش کتھے دفناواں
کیویں مکھ تے مٹیاں پاواں
کیویں کربل چھوڑ کے جاواں
موئے بچڑے نال بھراواں
کوئی وس نہ میرا چلیا
جدوں دینہہ داہویں دا ڈھلیا
اٹھ ویکھ توں امبڑی جایا
نہیں قاسم سہرا پایا
ہویا وطن وی انج پرایا
کتھے قافلہ اج ٹر چلیا
جدوں دینہہ داہویں دا ڈھلیا
نانے نال عہد سی کیتا
اسیں جام شہادت پیتا
اسیں رب راضی چا کیتا
سانوں رب سنیہڑا گھلیا
جدوں دینہہ داہویں دا ڈھلیا
اک لہو دا ڈیوا بلیا