غزل
عارف شاہ پروہنا
بڑی واری میں شاہ نور گیا
ہو کے دل دے ہتھوں مجبور گیا
اوہنے میرا رستہ ڈکیا
چوکیدار نے جد مینوں تکیا
ہو دل دا شیشہ چور گیا
بڑی واری میں شاہ نور گیا
میں وی بننا چاہناں ایکٹر
کوئی چھوٹا موٹا دیہو کریکٹر
میں حاضر ہو حضور گیا
بڑی واری میں شاہ نور گیا
ٹٹیا دل جویں جڑ نہیں سکدا
اینج میں پچھے مڑ نہیں سکدا
ہن آپیں اینی دور گیا
بڑی واری میں شاہ نور گیا
ایویں زہر دکھاں دا پھکیا
ایکٹر تے میں بن نہ سکیا
بن ویلے دا منصور گیا
بڑی واری میں شاہ نور گیا
دل نے پایا پٹھی راہ گئی
ناںتے میرا عارف شاہ اے
پر پروہنا ہو مشہور گیا
بڑی واری میں شاہ نور گیا
