غزل
رمضان شاکر
ایس طرح توں میرا پیار بھلایا سی
میرے دل دے اندر لنبو لایا سی
اپنی جان توں جنہوں پیارا جاتا میں
اوہو ساری محفل وچ پرایا سی
اج وی پوے بھلیکھا اوہدے آون دا
ورھیاں پہلے جس بوہا کھڑکایا سی
پہلاں وی توں بنیا سیں ہمدرد مرا
درد میرے نوں ہور وی آن ودھایا سی
دکھ اے مینوں تیرے دکھیا ہوون دا
بھاویں میرے دل نوں توں تڑفایا سی
جہڑے درد نے میری جندڑی رولی اے
سمجھ پیا تے اوہ وی درد پرایا سی
توں ڈُہلیا ایں اوہدے ہس کے تکن تے
شاکر تیرا اوس مذاق اڑایا سی
