میدان
سلطان کھاروی
جہڑے ساہمنے کھڑے پئے ویکھدے نیں تِیر ماردے نہیں تیر کھا رہے نیں
اُمّت کھیڈ رہی اے نال سیّداں دے سیّد دے کھڈائونے کھڈا رہے نیں
دُھروں لکھی نوں کوئی وی موڑدا نہیں لکھی ہوئی نوں سرے تے لا رہے نیں
آوے وقت تے ایسراں جان دیئے آئون والیاں نوں ایہ سکھا رہے نیں
آئی آخری کربلا سیّداں تے سیدّ ازل دی لکھی نبھا رہے نیں
اَج آخری پرچا اے کھاوری جی لکھ کے لہو دے نال پھڑا رہے نیں
