غزل
عمران سلیم
بازی اج توں کھیڈیں کسے دعا دے نال
مات دیاں گا تینوں اج پیار دے نال
تینوں ساڈے بھیت بھلا کس دسنے نیں
ساڈیاں سبھ سراں نے اج ہوا دے نال
اک اک ساہ نوں دا تے لانا پیندا اے
وقت بدل نہیں جاندا صرف دعا دے نال
تیری موت دا چرچا صدیاں تیک رہوے
موت گلے نوں لاویں ایس ادا دے نال
ویکھ لیا میں اکھیں روپ قیامت دا
لنگھیا کولوں اج اوہ ایس ادا دے نال
جی نہیں سکنا کدے انا جے ٹٹی تے
رہ سکنا واں زندہ صرف انا دے نال
جاننے آں جد آپ اپنے کرتوت سلیم
شکوہ کاہنوں کرئیے فیر خدا دے نال
