نعت شریف
علی احمد گجراتی
میرے آقاۖ آپۖ دے ہتھ وچ ہے تقدیر حیاتی دی
آپ ۖ دے دَر توں رنگت پاوے ایہ تصویر حیاتی دی
آقاۖ آپۖ دا عشق مصطفی میل دِلاں توں لاہندا اے
آپۖ دا اطہر ناں ایں سائیاں بس تطہیر حیاتی دی
آپۖ دی پگ دے اُتوں واراں اپنے ماپے وی
آپۖ دے ہی نعلین توں صدقے کل جاگیر حیاتی دی
آپۖ دی گلیاں وچوں ملیا ہے دستور حیاتی دا
پیر تیرے دے نقش معلّٰی ہِن تفسیر حیاتی دی
آپۖ دے آن توں پہلاں آقا ۖ جیون کیہ سی وحشت سی
آپۖ دے آیاں جگ تے ہوئی بس توقیر حیاتی دی
