نعت شریف
اتفاق بٹ
بندہ کسے کم دا نئیں میں تے سرکار جی
بیڑا تساں کرنا اے کر دیو پار جی
امتاں دے ولوں تسی رب وچولے او
نبیاں دے وچوں آقا نبیۖ انمولے او
آپ نوں تے کردا نئیں رب انکار جی
عاشقاں غلاماں والی گل میں نئیں کردا
تیرا جدوں ہو گیا تے کسے توں نئیں ڈردا
نعت وی لکھائی تساں آپ ایس وار جی
سر تے گناہواں والی پنڈ چکی پھرناں
اُتوں اُتوں ساہ لینا وچوں مُکی پھرناں
آ گیا میں چھڈ کے تے سب گھر بار جی
بیڑا تساں کرنا اے کر دیو پار جی
