غزل

سلیم نجمی

لٹ کے کھا گے نیں سرکار میں دساں تے کیہ دساں
دیس نوں دیس دے ٹھیکے دار میں دساں تے کیہ دساں
کنج کنج وڈیاں ایتھے اپنے اپنے ٹوپے بھر لئے
ماڑے دتے بھُکھے مار میں دساں تے کیہ دساں
سانوں خشحالی دا کہ کے ووٹاں منگن والے
سبھ سیاست دے فنکار میں دساں تے کیہ دساں
ساڈے جنت ورگے دیس دی اس بربادی دے وچ
کہندا کہندا اے کردارمیں دساں تے کیہ دساں
پھُلاں ورگے مُکھ کسے تے پل نہیں ہاسا تکیا
کیوں نہیں آندی ہن بہار میں دساں تے کیہ دساں
ساری عمراں ساڈے اگے کھٹ کے ویری کھڈے
جاندے نس سمندروں پارمیں دساں تے کیہ دساں
ساڈا ای لہو پی کے نجمی موجاں کردے پھردے
سبھ خدمت دے دعوے دار میں دساں تے کیہ دساں