نعت رسول مقبولﷺ
غلام شبیر عاصم
عمر جِنّی ہووے گزاراں مدینے
مَیں اپنے مُقدّر سنواراں مدینے
بُلا لَو مدینے کدے مینوں آقاۖ
پئیاں روز جاون قطاراں مدینے
میں ہوواں تے ہووے تِرا پاک روضہ
مَیں سجدے چ عمراں گزاراں مدینے
اے شاہاں دے شاہا مری جھولی بھر دے
پئے منگدے نیں منگتے ہزاراں مدینے
مرے تے وی ہووے کرم دی نظر جے
مرے آقاۖ ویکھاں بہاراں مدینے
ایہ موتی نیں جِنے وی ہنجواں دے عاصم
مَیں گلیاں چ جا کے کھلاراں مدینے
Load/Hide Comments