غزل
مقصود انجم کمبوہ
میں جمہوریت دا سورج چڑھدا ویکھ رہیا واں
ہنیرا بھجدا تے چانن نکھردا ویکھ رہیا واں
آسے پاسے اجے وی دشمناں پایا گھیر اے
میں آمر دا ویہڑا سڑدا ویکھ رہیا واں
عوام نیں امیداں دی چکی ہوئی اے پنڈ
میں بحراناں نوں کھڑدا ویکھ رہیا واں
وڈیرے چودھریاں نوں لگ گئی اے اگ
میں چودھراہٹ نوں مردا ویکھ رہیا واں
سیاسی قوتاں ہن اک مٹھ ہو رہیاں نیں
میں عوامی انقلاب ہندا برپا ویکھ رہیا واں
