حقیقت
ساحل اعوان
غربت وچ سبھ رل جاندے نیں
جانو وی سبھ بھل جاندے نیں
انملے یارو بے مُلے وکدے
کھکھوں ساویں تل جاندے نیں
دھوکے دے جنیں کھول چڑھایا
بھیت جہانی تاں کھل جاندے نیں
غیر وی یارو نیڑے لگدے
داغ غریبی جد دھل جاندے نیں
بے قدرے جے قدر نہ پاون
موتی جھولیوں ڈلھ جاندے نیں
موہ نہ سجنوں جے سچی ہوئے
سُک کتابیں پھل جاندے نیں
دل دا چین بے چین جے ہوئے
مونہاں وچ بھورے پھل جاندے نیں
بچ دا نہ کجھ ساحل پلّے
جاہل کل دے کل جاندے نیں
