غزل
عاشق
جنگلاں دے وچ جا کے رہن نوں جی کردا اے
فیر وچھوڑے دے دکھ سہن نوں جی کردا اے
تیری دنیا سانوں راس نہ آئی ربا
سچیاں سچیاں گلاں کہن نوں جی کردا اے
شہراں دی رہتل وچ سارے لوک منافق
وچ ملنگاں جا کے بہن نوں جی کردا اے
عشق دے ہتھوں ماراں کھا کھا دل نہیں بھریا
اجے وی اوہدے ہتھوں ڈھہن نوں جی کردا اے
پہلے اوہدے ہتھوں زہر پیالے پیتے
ہن کجھ ہور سوغاتاں لین نوں جی کردا اے
اپنا آپ نہیں مینوں ذرا وی چنگا لگدا
اپنے آپ دے نال وی کھہن نوں جی کردا اے
لوکاں دے دکھ میتھوں ویکھ نہیں ہندے عاشق
دنیا دے ہن مگروں لہن نوں جی کردا اے
