نعت شریف
عبدالحمید نظامی
یاقوتی قدرو قیمت پاک نعلیناں اگے
رکھدے نہیں اہمیت پاک نعلیناں اگے
پئے لکھاں تاج سکندری جیکر سامنے آون
نہیں لگدی کجھ وی قیمت پاک نعلیناں اگے
آئے نے تاجاں والے بے شک بھانویں کنے
ِکتھے جاہ حشمت پاک نعلیناں اگے
لکھ پیا باتاں پاوے کوئی دھوم دھڑے والیاں
کیہ اوہناں دی حیٹیت پاک نعلیناں اگے
سب ، شان ، نعلیناں نوں آقا دی نسبت توں
کیوں پیناں ایں وچ حیرت پاک نعلیناں اگے
الحمد نظامی پڑھ کے کر شکر دے سجدے توں
توں سَچی کرکے نیت پاک نعلیناں اگے
