میں جوگی دی جوگن
شاہد حسین
میں جوگی دی جوگن
میں جوگی دی جوگن
بھیس وٹا کے، ہِیر بھلا کے
میں ِوی بن گئی رانجھن
میں جوگی دی جوگن
رانجھن رنگ ِوچ رنگ گئی میں تے
اگ دا دریا لنگھ گئی میں تے
بن گئی ہس کے روگن
میں جوگی دی جوگن
میں رانجھن دی رانجھن میرا
من ِوچ لایا جوگی ڈیرہ
جگمگ ہویا تن من
میں جوگی دی جوگن
جوگی تونبا اولّرا وجایا
میرے من دا تار ہلایا
گاوے دِل دی دھڑکن
میں جوگی دی جوگن
جوگی سنگ ہن جینا مرنا
دم دم اوہدا دم ہے بھرنا
میں سجنی اوہ ساجن
میں جوگی دی جوگن
