غزل
ساحل اعوان
گلاں جھوٹھیاں سچیاں کیتیاں
تیرے وانگ تیری بدنیتیاں
چپ سادھ بُلیاں سیتیاں
ہاسے دے غم توں مل لَے
آنسو اکھیاں وچ ٹھل لَے
دے جندڑی توں پل لَے
کدے آ نمانی نوں ویکھ لَے
دتے پھٹ آ توں ویکھ لَے
ٹُٹا شیشے وانگوں ویکھ لَے
ساڈا مُل وی بے مُل وے
کدے سجناں توں تُل وے
میرا کل دا توں کل وے
تیرے پچھے سجناں نیتیاں
کیویں بھُلاں ساحل کیتیاں
لیراں پاٹیاں کس سیتیاں
گلاں جھوٹھیاں سچیاں کیتیاں
