غزل
بیگم شاد چغتائی
رودی چھڈ کے ماہی ٹر گیا لبھدی رہ گئی کدھر مڑ گیا
رستے لمے راہ نہ جاناں’ خورے کہڑے رستے مڑ گیا
واہ واہ اوہدی بے پرواہی میرے لئی مقدر تھڑ گیا
رہ گئی دل دی مندری خالی’ کتھے اوہدا نگینہ جڑ گیا
پیار دا وعدہ ایڈا پکا’ کھورو ہوسی ایویں کھر گیا
گڈی چڑھ کے ہتھوں چھٹ گئی’ ساڈی ڈور دا پناں تھڑ گیا
درد دواواں دسن والا’ اوہ طبیب بن دسے ٹر گیا
ایویں کملی کانگ اڈاوے’ شاد نہیں آندا جہڑا ٹر گیا
