نعت شریف
جاوید پنچھی
مدینہ تے دریڈا ای بڑا اے یا رسول اللہۖ
تے میرے کول وی کچا گھڑا اے یا رسول اللہۖ
مری مدد تسیں کرنا’ قبر وچ آن کے آپے
اوہ سنیا اے وقت بہتا ای کڑا اے یا رسول اللہۖ
بڑی اوہ چھیڑ خانی کر رہیا اے روز ودھ ودھ کے
پرانہہ پنجاب توں جہڑا دھڑا اے یا رسول اللہۖ
بچا لو ایس خطے نوں جے ایٹم چل گیا ایتھے
تے ہو جانا چفیرے ای رڑا اے یا رسول اللہۖ
کدی تے واج آوے گی مدینے چوں کہ آ جا توں
ایہہ آساں لا کے پنچھی وی کھڑا اے یا رسول اللہۖ
