تیرے دسے رستے جو ٹریا
عبدالحمید نظامی
تیرے دَسّے ہوئے رستے جو ٹُریا یارسول اللہ
کسے گلوں کسے تھاں تے نہ تھڑیا یارسول اللہ
محمدۖ نام وی الفت جدوں دی رچ گئی دل وچ
کدے بیڑا طوفاناں وچ نہیں رُڑیا یارسول اللہ
سی اکھیاں نیر برساون تے دل دہندا دہائی سی
مدینے پاک وچوں جد میں مُڑیا یارسول اللہ
ہر واری میرے حالات راہواں ڈک کھلوندے نے
غماں دا ماریا دل جاندا کُڑھیا یارسول اللہ
تساں دی شان اقدس توں جہڑا ہر ویلے سڑدائے
قسم رب دی جہنم ول او ٹریا یارسول اللہ
دیوے گا حشر دے اندر تیرے ناں دی دہائی او
نظامی وانگ بن علموں جو تھڑیا یارسول اللہ
