غزل
شاد حسین شاہ
اپنا آپ جے آپ ونجان نوں جی کردا
اوہنوں وی تے مار مکان نوں جی کردا
اوہنوں پوجیاں جان دی ریت مکاون لئی
چڑھدا سورج اج لکان نوں جی کردا
جہڑے آکھن دور ہنیرے ہو گئے نیں
اوہناں اُتے رون روان نوں جی کردا
اوہدے حسن دے قصے سن لئے جس دن دے
سارے شہر دا سجن سجان نوں جی کردا
اوندی اوندی رہ جائے جہڑی ہوٹھاں تے
نظروں اوہو گل سنان نوں جی کردا
تکدیاں سار ای جہڑا دل وچ لہہ جاوے
شاد میرا اوہ نقش بنان نوں جی کردا
