اُڈیک
شاہد حسین
اوہی بْوہا اوہی گلی دا موڑ
تے اوہی پرچھاواں جاون والے دا
اوہی میں
اوہی اْڈیک
تے اوہی بھلیکھا مْڑ نہ آون والے دا
اوہی گھڑی، اوہی سْوئیاں
تے اوہی سمے دا چَلن
اوہی مِنٹ، سکِنڈ تے گھنٹے
تے اوہی چَیتا گْھوریاں پاون والے دا
اوہی خط ، اوہی لِکھتاں
تے اوہی پَنڈ لفظاں دی
اوی بھاڑ تے میرے موڈھے
تے اوہی اعتبار لارے لاون والے دا
اوہی سَدھراں تے اوہی چاء
اوہی شیشہ تے اوہی شنگھار
اوہی اکّھاں
اوہی ہَڑ
تے اوہی ہاسا سْفنے وکھان والے دا
