غزل
رئوف شیخ
بہتے دیوے راہ وچ بالے جاندے نیں
منزل تکّ تے قسمت والے جاندے نیں
ماواں نال کی رشتے اوہناں بچیاں دے
نرسریاں وچّ جہڑے پالے جاندے نیں
اتھے اگّ نہیں سکدا رکھ محبت دا
جہڑی تھاں تے سکے ڈھالے جاندے نیں
کسے کسے نوں اج سہارا ملدا اے
بہتے بندے کل تے ٹالے جاندے نیں
ایہہ دنیاں اے، ایتھے یاری لا کے وی
اک دوجے دے عیب اچھالے جاندے نیں
ساڈے نال اکلاپا ٹردا ڈردا اے
اوہناں دے نال آل دوآلے جاندے نیں
کدی وی اوہ رشنا نہیں سکدے ویہڑے نوں
جہڑے چانن رؤف ادھالے جاندے نیں
