سوہنےؐ دے عشق وچ
عبدالحمید نظامی
سوہنے دے عشق چ رواواں رواواں
سوہنا جے آوے تے پلکاں وچھاواں
تیرے عشق چ آقا میں سدھ بدھ گوائی
سودائیاں دے وانگ حالت بنائی
کراں جے صداواں تے جھلا سداواں
سوہنے دے عشق چ رواواں رواواں
ایتھے تے میرا لگدا نہیں جیا
مینوں جے دکھ ہے ، تے دُکھ اک اِیّا
بناں دید آقا کِتے مر نہ جاواں
سوہنےﷺ دے عشق چ رواواں رواواں
مینوں جے سوہنا بُلاوے مدینے
پے جان ٹھنڈاں میرے وی سینے
میری حالت سنورے میں وی وال واواں
سوہنےﷺ دے عشق چ رواواں رواواں
سوہنا بُلاوے گا ذرا کر توں جیرا
اوہدے در تے ہووے گا تیرا وی ڈیرا
ہوسن ایہہ منظور سب التجاواں
سوہنےﷺ دے عشق چ رواواں رواواں
کرو کرم آقاﷺ ویکھو نہ خامی
آوے نظامیؔ کرن لئی غلامی
تیرے در توں دوری ایہہ نِریاں سزاواں
سوہنےﷺ دے عشق چ رواواں رواواں
