کافی
ہارون عدیم
ساڈی تیرے ہتھ وچ ڈور بیبا
ساڈی تیرے ہتھ وچ ڈور
تیرا نام پکیندی تھکاں ناں
تیرا ورد کریندی اکاں ناں
میرے من وچ تیرا شور جیہا
ساڈی تیرے ہتھ وچ ڈور
میرے سارے سجدے تیرے لئی
تیرے سارے جلوے میرے لئی
میں نچدا ڈٹھائے مور جیہا
ساڈی تیرے ہتھ وچ ڈور
توں اول آخر حاضر وی
توں لُکیا چھپیا ظاہر وی
توں چاک اسیں ہاں ڈھور بیبا
ساڈی تیرے ہتھ وچ ڈور
سُن یار عدیم دی عرض بیبا
تیری چاہت اُس دی غرض بیبا
کر نظر کرم تے غور بیبا
ساڈی تیرے ہتھ وچ ڈور
ساڈی تیرے ہتھ وچ ڈور
