نہ تے مینوں کوئی خزینہ چاہی دا
عبدالحمید نظامی
نہ تے مینوں کوئی خزینہ چاہی دا
ہن تے زندگی لئی مدینہ چاہی دا
عمراں کراں یا حج پر طیبہ پاک وچ
مینوں رہنے لئی مہینہ چاہی دا
چا نہ میرے لتھن کدی وی سوہنیا
پیار تِرے دا اک نگینہ چاہی دا
ہور کسے تھاں تے دل نہیں لگدا ہن میرا
مینوں مدینے وچ تے جینا چاہی دا
فیر مزا آوے گا مینوں جین دا
آقا دے ہتھوں جام پینا چاہی دا
نام آوے میرا بھاویں عاماں دے وچ
شوق پورا ہن دیرینہ چاہی دا
ول نظامیؔ نوں نہیں کرنا خبرے کنج سوال
مینوں منگن دا قرینہ چاہی دا
