نعت شریف
عبدالحمید نظامی
ذکر خدا کراں تے میں ذکر نبی کراں
جے نعت نہ پڑھاں تے دسو میں کی کراں
کرنی ایں اپنے عشق وچ مدحت رسولؐ دی
دل چاہوندا میرا تے میں ہر گھڑی کراں
چمے نے جہڑی خاک نے تلوے حضورؐ دے
اوتھے میں پیر پیر تے سجدے کئی کراں
عاشق ہزار آئے نے اپنے انداز وچ
میں وی تے گل ادب دی اوہناں جئی کراں
اکھیں میں ویکھ آیا ہاں مدینہ حضور دا
رحمت پئی وسدی اے گل میں کھری کراں
قسمیں خدا دی سوہنیا بیٹھاں گا صبر نال
آکھے کوئی مینوں اوئے ، تے اوہنوں میں جی کراں
ٹکڑا نظامیؔ نوں وی پا دینا کتیاں وچ
ہے عرض نکڑی جئی مری میں حاضری کراں
